Քարդաշյանների Հայաստան այցի մասին իրապատումը շուտով հասանելի կլինի հեռուստադիտողին
1 րոպեի ընթերցում
![Քարդաշյանների Հայաստան այցի մասին իրապատումը շուտով հասանելի կլինի հեռուստադիտողին](http://armenpress.am/resized/480/static/news/b/2015/06/807509.jpg)
ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Ռեփեր Քանյե Ուեսթի հետՔարդաշյանների հայտնի ընտանիքի պատմական հայրենիք՝ Հայաստան այցի մասին իրապատումըշուտով հասանելի կլինի հեռուստադիտողին: Հայաստանում հատկապես այս եթերաշրջանին երկար և անհամբերությամբ են սպասում: Ինչպես հաղորդում է «Արմենպրես»-ըˋ վկայակոչելով E! կայքը, այս մասին նշվում է «Մնացեք Քարդաշյանների հետ» (Keeping Up with The Kardashians) իրապատումի 10-րդ եթերաշրջանի անոնսում:
Հայաստան կատարած այցելության վերաբերող հատվածում կադրերում կարելի է տեսնել Քարդաշյան քույրերինˋ հայկական ավանդական տարազներով, Քիմ Քարդաշյանի և «ՀՀԿ տատիկի» հանդիպումը, և Քանյե Ուեսթին՝ չնախատեսված համերգից հետո Կարապի լճից դուրս գալիս:
Այս եթերաշրջանն առանձնահատուկ է լինելու նաև նրանով, որ ինչպես խոստանում են անունսում, հայտնի աստղային զույգը հայտարարելու են իրենց երկրորդ երեխայի մասին: