Սահմանապահները Թեհրան-Երևան երթուղու ավտոբուսում թմրանյութ են հայտնաբերել

ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Հայ-իրանական սահմանի` Սյունիքի մարզի «Ագարակ» սահմանակետում Թեհրան-Երևան երթուղու ավտոբուսի զննության արդյունքում հայտնաբերվել է մուգ շագանակագույն նյութ պարունակող 10 գրամ կշռով փաթեթ: Ինչպես «Արմենպրես»-ին տեղեկացրին Հայաստանի Հանրապետությունում Ռուսաստանի Անվտանգության դաշնային ծառայության Սահմանապահ վարչության մամուլի ծառայությունից, մայիսի 31-ին ռուս սահմանապահների կողմից հայտնաբերված նյութը ենթադրաբար ափիոնի հումք է:

«Մեղրի» մաքսային կետի մաքսանենգության դեմ պայքարի բաժնի աշխատակիցները պարզում են հանցագործության հանգամանքները: