1 րոպեի ընթերցում
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Բուլղարիայի Ժողովրդական ժողովի պատգամավորներն ապրիլի 24-ին ընդունել են Հայոց ցեղասպանության մասին հայտարարագիր: Ինչպես «Արմենպրես»-ին հաղորդեցին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից, փաստաթղթով Բուլղարիայի խորհրդարանը «ճանաչում է հայերի զանգվածային ոչնչացումը Օսմանյան կայսրությունում և հայտարարում է ապրիլի 24-ը որպես զոհերի հիշատակման օր»:
Հայտարարությանը կողմ է քվեարկել 157 պատգամավոր, դեմ ՝ 36-ը: Բուլղարիայի խորհրդարանի նախագահ Ցեցկա Ցաչևան առաջարկել է մեկ րոպե լռությամբ հարգել զոհված հայերի հիշատակը, որի ժամանակ Շարժում հանուն իրավունքի և ազատության (էթնիկ թուրքերի կուսակցության) պատգամավորները լքել են նիստերի դահլիճը:
Լուսանկարը` wikipedia