Չինաստանի հարավում հայտնաբերվել են դինոզավրերի տասնյակ ձվեր

ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Չինաստանի հարավի Գուանդունի նահանգում հայտնաբերել են դինոզավրների ավելի քան չորս տասնյակ քարացած ձվեր: Հեյուան քաղաքում ճանապարհաշինական աշխատանքների ընթացքում արված գտածոյի մասին հաղորդել Է տեղական մամուլը, տեղեկացնում Է «Արմենպրես»-ը:

Մասնագետներին հաջողվել Է գետնի տակից հանել 43 ձու, որոնցից 19-ը հիանալի պահպանվել են եւ անվաս վիճակում են: «Դրանք բավականին մեծ ձվեր են: Մեկ նմուշահատի տրամագիծը հասնում Է 13 սանտիմետրի»,- հայտնել Է դինոզավրների քաղաքային թանգարանի կառավարիչ Դու Յանլին:

Թե հատկապես դինոզավրների որ տեսակին են պատկանում հայտնաբերված քարացուկներն առայժմ մնում Է անհայտ: Այս հարցին մոտ ժամանակներս կփորձեն պատասխանել Չինաստանի Գիտությունների ակադեմիայի փորձագետները: Նրանք նաեւ պետք Է պարզեն այդ բնի տարիքը: Որոշ ենթադրություններով՝ գտածոն կարող Է հողի մեջ մնացած լինել մինչեւ 90 միլիոն տարի:

Ինչպես նշում Է ՏԱՍՍ-ը, Հեյուան քաղաքն Ընդերկնյայում «դինոզավրների կացարանի» համբավ ունի: Քաղաքի շրջակայքում հայտնաբերվել Է նախապատմական մեծամողեսների մնացորդների 17 հազար կտոր: Դեռ ավելին, տեղական թանգարանը Գինեսի ռեկորդների գրքում Է գրանցվել այնտեղ պահվող քարացած ձվերի՝ աշխարհում ամենախոշոր հավաքածուի համար՝ ավելի քան 10 հազար հատ:

Լուսանկարը` AP