368.54
Սիրիական պատվիրակությունը հյուրընկալվել է Երևանում Սիրիայի դեսպանատանը
1 րոպեի ընթերցում
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Հայաստան ժամանած Սիրիայի պատվիրակությանը, խորհրդարանի նախագահ Մուհամմադ Ջիհադ ալ Լահհամի գլխավորությամբ, ընդունել է Սիրիայի Հանրապետության դեսպան Իսսամ Նայալը: Ընդունելությանը ներկա են եղել Հայաստանի խորհրդարանի պատգամավորներ, քաղաքական գործիչներ, Հայաստանում Սիրիայի համայնքի անդամներ, հատուկ հանձնարարություններով դեսպան Լևոն Սարգսյանը:
«Արմենպրես»-ի փոխանցմամբ՝ պատվիրակությունը ժամանել է Հայաստան՝ մասնակցելու Հայոց Ցեղասպանության 100-ամյակին նվիրված միջոցառումներին:
Հանդիպման ժամանակՍիրիայի խորհրդարանի նախագահ Լահհամը կարևորել է երկու երկրների միջև հարաբերությունները՝ նշելով, որ պատմությունը կրկնվում է. այն ժամանակ օսմանցիներն իրականացրել են հայերի ջարդերը, իսկ այժմ Էրդողանը տարբեր ձևերով մասնակցում է սիրիացիների սպանությանը:
Հայաստանի խորհրդարանի պատգամավորները վստահեցրել են, որ Սիրիան դուրս կգա ճգնաժամից՝ շնորհիվ իր ժողովրդի միասնականության՝ կանգնելով ղեկավարության և բանակի կողքին:
Դեսպան Իսսամ Նայալը նշել է, որ սիրիահայերի մեծամասնությունը ցանկանում է վերադառնալ Սիրիա, քանի որ այն համարում են իրենց հայրենիքը՝ միևնույն ժամանակ Հայաստանը համարելով իրենց նախնիների հայրենիքը:
Բաժանորդագրվեք մեր ալիքին Telegram-ում