Ստամբուլում տեղի կունենա 1915 թվականին սպանված հայ մտավորականների հիշատակին նվիրված համերգ
1 րոպեի ընթերցում
![Ստամբուլում տեղի կունենա 1915 թվականին սպանված հայ մտավորականների հիշատակին նվիրված համերգ](http://armenpress.am/resized/480/static/news/b/2015/04/802438.jpg)
ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Ապրիլի 22-ին Ստամբուլում տեղի կունենա համերգ՝ նվիրված 1915 թվականի ապրիլի 24-ին ձերբակալված եւ կարճ ժամանակ հետո սպանված հայ մտավորականների հիշատակին:
Ինչպես հաղորդում է «Արմենպրես»-ը` վկայակոչելով թուրքական «Ջումհուրիեթ» թերթը, համերգի ընթացքում ելույթ կունենան «Քարդեշ թյուրքուլեր» («Եղբայրական երգեր») անսամբլը, Արա եւ Օնիկ Դինքջյանները, Յորդի Սավալըն, թուրք երգիչներ Օսման Քավալըն եւ Հասան Սալթըքը կկատարեն հայերեն երգեր: Համերգի ընթացքում կհնչեն աքսորված եւ սպանված հայ գրողների ստեղծագործություններից:
Համերգի ընթացքում առաջին անգամ կկատարվի Զուլֆու Լիվանելիի Կոմիտասին նվիրված ստեղծագործությունը: