2 րոպեի ընթերցում
ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: System of a Down խմբի՝Հայոց ցեղասպանության 100-րդ տարելիցին նվիրված համաշխարհային շրջագայությունը կշարունակվի նաև Բրազիլիայում և Արգենտինայում: Ինչպես հաղորդում է«Արմենպրես»-ը` վկայակոչելով խմբի պաշտոնական ֆեյսբուքյան էջը, «Արթնացրեք հոգիները» (Wake Up the Souls) խորագրով շրջագայության շրջանակում սեպտեմբերի 25-ին համերգային երեկո կանցկացվի Սան Պաուլուի Anhembi Arena-ում, իսկ սեպտեմբերի 30-ին՝ Բուենոս Այրեսի GEBA սրահում: Համերգների տոմսերը շուտով կհայտնվեն վաճառքում:
Համերգաշարը մեծ նվեր է խմբի երկրպագուների համար 2005թ. SOAD-ի վերջին ալբոմի լույս ընծայումից ի վեր: Այն նվիրված է համաշխարհային հանրությանը Հայոց ցեղասպանության վրա ուշադրություն հրավիրելուն: «Մեզ համար` որպես ամերիկահայերի, որոնց ընտանիքները անմիջական կապ ունեն այս խնդրի հետ, կարևոր է ոչ միայն իրազեկել մարդկանց, այլ նաև պահանջել արդարության վերականգնումը: Սա ցավ է, որը շարունակում է առկա մնալ»,- Los Angeles Daily News-ի փոխանցմամբ՝ ասել էրխմբի մեներգիչ Սերժ Թանկյանը:
System of A Down-ը արդեն հասցրել է հանդես գալ Լոնդոնում, Քյոլնում և Լիոնում: ԽմբիWake Up The Souls շրջագայության հետագա օրերը և քաղաքներն են.
ապրիլի 16 - Բրյուսել/Բելգիա` Forest National,
ապրիլի 17- Ամստերդամ/Նիդերլանդներ` Ziggo Dome,
ապրիլի 20 - Մոսկվա/Ռուսաստան` Olympiysky,
ապրիլի 23 - Երևան/Հայաստան` Հանրապետության հրապարակ: