1 րոպեի ընթերցում
ԵՐԵՎԱՆ, 3 ԱՊՐԻԼԻ, ԱՐՄԵՆՊՐԵՍ: ՀՀ առողջապահության նախարար Արմեն Մուրադյանն այցելել է «Քանկոր» բժշկական կենտրոնում բուժվող ՀՀ ԱՆ ճառագայթային բժշկության և այրվածքների հանրապետական գիտական կենտրոնի տնօրեն, ՀՀ առողջապահության նախկին նախարար Նորայր Դավիդյանին:Ինչպես «Արմենպրես»-ին տեղեկացրին ՀՀ առողջապահության նախարարությունից, Արմեն Մուրադյանը հետաքրքրվել է Նորայր Դավիդյանի առողջական վիճակով, մասնագետների հետ քննարկել է նրա բուժման ընթացքը և մաղթել շուտափույթ ապաքինում: