Հայտարարության ընդունումը կվկայի, որ Հայաստանը ճանաչում է հույների և ասորիների ցեղասպանությունը. Էդուարդ Շարմազանով

2 րոպեի ընթերցում

ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Ազգային ժողովի հայտարարության ընդունումը «Օսմանյան Թուրքիայի կողմից 1915-1923 թթ. իրականացված հույների և ասորիների ցեղասպանությունը դատապարտելու մասին» կնշանակի, որ Հայաստանի Հանրապետությունը ճանաչում է հույների և ասորիների ցեղասպանությունը:Այս մասին ասաց ՀՀ ԱԺ փոխնախագահ Էդուարդ Շարմազանովը՝ պատասխանելով ԱԺ ՀՀԿ խմբակցության պատգամավոր Կորյուն Նահապետյանի հարցին: «Մենք ընտրել ենք հայտարարության տարբերակը, որովհետև շատ կարևոր դեպքերում է Հայաստանի Ազգային ժողովը հայտարարություն ընդունում: Եվ այս դեպքում մեր առաջարկն է եղել, քննարկել ենք և եկել այն եզրակացության, որ հայտարարության ընդունումն ավելի նպատակահարմար է, որովհետև միշտ չէ, որ Հայաստանի Հանրապետության Ազգային ժողովը հայտարարություն է ընդունում: Եվ այս իմաստով, նախագիծը ներկայացնելով որպես դատապարտող հայտարարություն, մենք կրկնակի անգամ ցանկացել ենք ցույց տալ մեր հանրությանը, թե մեր հույն և ասորի եղբայրներին և քույրերին, թե միջազգային հանրությանը, որ Հայաստանի Հանրապետության Ազգային ժողովը, բոլոր քաղաքական ուժերը կարևորում են հույների և ասորիների նկատմամբ իրականացված ցեղասպանության դատապարտումը»,- «Արմենպրես»-ի հաղորդմամբ՝ ընդգծեց Շարմազանովը:

Կորյուն Նահապետյանի մյուս հարցին, թե ինչո՞վ կարելի է բացատրել հույների և ասորների ցեղասպանության սահմանափակ թվով ճանաչումները, Շարմազանովը պատասխանեց, որ դա միգուցե նաև հունական և ասորական կողմից միասնական աշխատանքի թերացումն է: «Մի բան կարող եմ շեշտել, որ երբ Շվեդիայում ընդունվեց հայերի, հույների և ասորիների ցեղասպանությունը դատապարտող բանաձևը, դա տեղի ունձցավ երեք համայնքների միասնական աշխատանքի արդյունքում: Մենք պետք է միասնական լինենք: Մենք պետք է մեր բոլոր ուժերը միավորենք, որ կարողանանք պայքարել թուրքական ժխտողականության դեմ»,- ընդգծեց ԱԺ փոխնախագահը:

Հայերեն English

Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան

Երևանը կընդունի բասկետբոլի Մ16 տարեկանների ԵԱ-ն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը