2 րոպեի ընթերցում
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Հյոգոյի պրեֆեկտուրայից մի ճապոնուհի 1,9 միլիոն իեն (շուրջ 15,8 հազար դոլար) Է գտել խանութից գնած հին կահույքում, հաղորդում Է «Արմենպրես»-ը՝ հղում անելով NHK հեռուստաընկերությանը:
Մարտ ամսվա սկզբին կինը բանեցված կահույք Է ձեռք բերել կոմիսիոն խանութից, իսկ գալով տուն՝ կահույքի մեջ հայտնաբերել Է խոշոր գումարի կանխիկ դրամ: Գնորդուհին դիմել Է ոստիկանություն՝ գտածոյի մասին հայտարարությամբ: Իրավապահ մարմինները կարծում են, որ փողի մասին կարող Էր մոռանալ կահույքի նախորդ տերը եւ սկսել Է նրա որոնումը: Ուստի այն մանրամասնությունները, թե հատկապես ինչ կահույքի մեջ Է կանխիկ դրամ պահվել, չեն նշվում:
Ինչպես նշում Է ՌԻԱ Նովոստին, ճապոնական օրենսդրությամբ՝ կանխիկ փող գտած մարդը պարտավոր Է այն հանձնել ոստիկանությանը: Եթե տերը չգտնվի, ապա փողը գտնողը երեք ամիս անց դրա նկատմամբ հավակնություն ունենալու իրավունք Է ստանում: Իսկ գտածոյի յուրացումը պատժվում Է որպես հանցագործություն: Այն մասին, թե ինչպես պետք Է վարվել ինչ-որ մեկի կորցրած իրեր գտնելու դեպքում, դպրոցականներին պատմում են ցածր դասարաններից:
2011 թվականի երկրաշարժից եւ ցունամիից հետո առաջին երեք ամիսներին տուժած շրջանների ափին գտնվել Է 2,65 միլիարդ իեն (այն ժամանակվա փոխարժեքով 33,9 միլիոն դոլար): Ոստիկանությանը հաջողվել Է գտնել հայտնաբերված կանխիկ դրամի 98 տոկոսի տերերին կամ ժառանգներին, այդ ամենը վերադարձվել Է տերերին: Տերը կարող Է վարձահատույց լինել գտնողին՝ նրան նվիրելով վերադարձված գումարի 10-ից մինչեւ 30 տոկոսը: