368.45
Մալայզիայում մոլեգնող ջրհեղեղի հետեւանքով տարհանվածների թիվը գերազանցել Է 100 հազարը
2 րոպեի ընթերցում
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Մալայզիայի հինգ նահանգներից ավելի քան 100 հազար մարդ Է տարահանվել սաստիկ հեղեղումների հետեւանքով: Այս մասին, ինչպես տեղեկացնում է «Արմենպրես»-ը, հաղորդել Է ԲԵՌՆԱՄԱ ազգային լրատվական գործակալությունը:
Առաջվա պես իրադրությունն առավել ծանր Է Քելանթանի նահանգում, ըստ որում Փահանգի նահանգում իրավիճակը վերջին ժամերին կտրուկ վատացել Է. այնտեղ հարկադիր վերաբնակների թիվը գերազանցել է 35 հազարը:
Երկրի վարչապետ Նաջիբ Թուն Ռազաքը կարգադրել Է մեծացնել տուժածներին ցուցաբերվող օգնությունը, ինչպես նաեւ ամենայն ուշադրությամբ հետեւել իրադրությանը՝ մարդկային զոհեր թույլ չտալու համար: Նախօրյակին ֆինանսների նախարարությունը հավանություն Է տվել հինգ առավել տուժած նահանգներին որպես օգնություն ավելի քան 14 միլիոն դոլար տրամադրելուն:
Դրա հետ մեկտեղ կառավարության ղեկավարը խոստովանել Է, որ փրկարաները միշտ չԷ, որ հասցնում են ժամանակին տարահանել տեղացի բնակիչներին, քանի որ որոշ բնակավայրեր լիովին կտրված են լինում գետերում ջրի թույլատրելի մակարդակի գերազանցման հետեւանքով կամ Էլ ուղղաթիռների համար ոչ թռիչքային եղանակի պատճառով:
Ներկայում տարածաշրջանում սկսվել Է անձրեւների սեզոնը, սակայն վերջին տարիներին դրանց ինտենսիվությունը դարձել Է ռեկորդային, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում