1 րոպեի ընթերցում
ԼՈՍ ԱՆՋԵԼԵՍ, 15 ՍԵՊՏԵՄԲԵՐԻ, ԱՐՄԵՆՊՐԵՍ: Աշխարհահռչակ երգահան եւ շանսոնյե Շառլ Ազնավուրն իր 90-ամյա տարեդարձի շրջանակներում շարունակում է համերգային շրջագայությունները: Ինչպես փոխանցում է Nouvelles d`Armenie-ն, սեպտեմբերի 13-ին Ազնավուրի հերթական համերգը տեղի է ունեցել «փոքրիկ Հայաստան»-ում` Լոս-Անջելեսում:
Համերգին ներկա են եղել ինչպես երիտասարդներ, այդ թվում` ամերիկյան «Ռեալիթի շոու»-ի աստղ Քիմ Քարդաշյանը, այնպես էլ տարեց հանդիսականներ:
Ազնավուրը կատարել է իր հայտնի երգերը, ինչպես ֆրանսերեն, այնպես էլ հայերեն ու արժանացել հանդիսականների բուռն ծափահարություններին:
Այս տարի լրացել է Շառլ ազնավուրի 90-ամյակը, ինչի կապակցությամբ շանսոնյեն աշխարհի տարբեր երկրներում հանդես է գալիս համերգային ծրագրերով: