360.34
Միլիոնավոր մարդիկ լքում են իրենց տները կրոնական հակամարտությունների պատճառով. ԱՄՆ պետդեպարտամենտ
1 րոպեի ընթերցում
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Աննախադեպ թվով մարդիկ կրոնական հողի վրա ծագած հակամարտությունների պատճառով հարկադրված են լքել իրենց տները: Այդ մասին, ինչպես տեղեկացնում է «Արմենպրես»-ը, ասված է ԱՄՆ-ի պետդեպարտամենտի զեկույցում:
Փաստաթղթում հատկապես առանձնացվում է Սիրիայի իրադրությունը, որտեղ, հեղինակների խոսքով, զգալիորեն կրճատվել է քրիստոնյաների թվաքանակը:
Ավելի քան մեկ միլիոն մարդ է տները լքել Կենտրոնաֆրիկյան Հանրապետությունում քրիստոնյաների եւ մուսուլմանների միջեւ տեղի ունեցող մարտերի պատճառով:
Պետդեպարտամենտը նաեւ նշում է, որ շատ երկրներ՝ Չինաստանից մինչեւ Սաուդյան Արաբիա եւ Ռուսաստան, մինչ այժմ սահմանափակում են դավանանքի ազատությունը:
Զեկույցը չի ընդգրկում ընթացիկ տարվա իրադարձություններն Իրաքում, որտեղ հազարավոր մարդիկ են փախել այն վայրերից, որոնք գրավել են «Իրաքի եւ Լեւանտի իսլամական պետություն» արմատական խմբավորման զինյալները:
Բաժանորդագրվեք մեր ալիքին Telegram-ում