1 րոպեի ընթերցում
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Վրաստանի վարչապետ Իրակլի Ղարիբաշվիլին հուլիսի 21-ին հայտարարել Է կառավարության կազմում կատարված կադրային փոփոխությունների մասին. վեց նախարարներ եւ մեկ պետնախարար թողնում են իրենց պաշտոնները, տեղեկացնում Է «Արմենպրես»-ը,՝ հղում անելով «Նովոստի Գրուզիա»-ին
Մասնավորապես, կադրային փոփոխությունները վերաբերել են Վրաստանի մշակույթի եւ հուշարձանների պահպանության նախարար Գուրամ Օդիշարիային, շրջակա միջավայրի եւ բնապաշարների նախարար Խաթունա Գոգալաձեին, փախստականների, տարաբնակեցման եւ հարկադիր վերաբնակվածների գործերի նախարար Դավիթ Դարախվելիձեին, գյուղատնտեսության նախարար Շալվա Պիպիային, տարածաշրջանների զարգացման եւ ենթակառուցվածքի նախարար Էլգուջա Խոկրիշվիլիին, պատիժների կատարման եւ պրոբացիայի նախարար Սոզար Սուբարիին եւ սփյուռքի հարցերի պետնախարար Կոնստանտին Սուրգուլաձեին:
Դրա հետ մեկտեղ, ինչպես հայտարարել Է վարչապետը, Սուբարին կզբաղեցնի փախստականների, տարաբնակեցման եւ հարկադիր վերաբնակների գործերի նախարարի պաշտոնը, իսկ Խոկրիշվիլին կգլխավորի հանրապետության շրջակա միջավայրի եւ բնապաշարների նախարարությունը: