1 րոպեի ընթերցում
ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: Թբիլիսիում ապրիլի 13-ին կայացել է Red Bull BC One Caucasus Cypher 2014 մրցաշարի կովկասյան նախընտրական փուլը, որին մասնակցել են նաև հայաստանյան փուլի 7 հաղթողները՝ բի-բոյներ Predator-ը, Flex Feet-ը, Pollux-ը, Azo-ն, Actor-ը, Thief-ը և Booble-ն: Կովկասյան նախընտրական փուլի ժյուրիի կազմում էին Neguin և Hong 10 աշխարհահռչակ բի-բոյները:
«Արմենպրես»-ի փոխանցմամբ` թբիլիսյան առաջնության հաղթող է ճանաչվել վրացի Pioneer-ը, ով կցուցադրի իր վարպետությունը սեպտեմբերին Խորվաթիայում կայանալիք կիսաեզրափակչին, իսկ հաղթանակի դեպքում նա նոյեմբեր ամսին կմեկնի Փարիզ՝ Red Bull BC One 2014 եզրափակչին մասնակցելու, ուր կհավաքվեն աշխարհի ուժեղագույն բի-բոյները: Հայ բի-բոյներ Վանուշ Շահինյանը (Booble) ու Արսեն Հովհաննիսյանը (Predator) թբիլիսյան նախընտրական փուլում գրավել են 3րդ հորիզոնականը: