388.33
Դիսկոյի թագուհի Դայանա Ռոսը նշում Է 70-ամյա հոբելյանը
1 րոպեի ընթերցում
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Ամերիկացի հռչակավոր երգչուի, դերասանուհի եւ պրոդյուսեր Դայանա Ռոսը մարտի 26-ին նշում Է 70-ամյա հոբելյանը, տեղեկացնում Է «Արմենպրես»-ը:
Դայանա Ռոսը ծնվել Է Դետրոյտում (Միչիգանի նահանգ): Դպրոցում նա հրապուրվել Է երգեցողությամբ եւ ընկերուհիների՝ Մերի Ուիլսոնի, Ֆլորենս Բալարդի եւ Բետի Մակգլոունի հետ կազմակերպել Է The Primettes քառյակը, որն ավելի ուշ վերանվանել են The Supremes:
Խումբն առանձնակի հաջողություն չի ունեցել, քանի դեռ 1963 թվականին Դայանային չեն առաջարկել լինել վոկալիստ: 1969 թվականից Ռոսն իրեն նվիրել Է մենակատարի կարիերային: Սոուլ, ռիթմ-ն-բլյուզ, փոպ, դիսկո, ջազ, ռոք-ն-ռոլ ոճերով նրա երգերը մեկը մյուսի հետեւից դարձել են միջազգային մասշտաբի հիթեր:
Ինչպես նշում Է ԻՏԱՌ-ՏԱՍՍ-ը, իր ամբողջ երաժշտական կարիերայի ընացքում Դայանա Ռոսը ձայնագրել Է 57 ստուդիական ալբոմ եւ ամբողջ աշխարհում վաճառել ավելի քան 150 միլիոն սկավառակ:
