Քիմ Քարդաշյանը ավտովթարի է ենթարկվել Բևերլի Հիլզում

ԲԵՎԵՐԼԻ ՀԻԼԶ, 12 ՄԱՐՏԻ, ԱՐՄՆՊՐԵՍ: Ամերիկյան ռեալիթի-շոուի աստղ Քիմ Քարդաշյանը ավտովթարի է ենթարկվել Բևերլի Հիլզի հյուրանոցի մոտ: Ինչպես հաղորդում է «Արմենպրես»-ը՝ վկայակոչելով ամերիկյան TMZկայքը, պատահարից ոչ ոք, բարեբախտաբար, չի տուժել, թեթևակի վնասվել են Քիմ Քարդաշյանի 100 հազար դոլար արժողությամբ Mercedes G Wagon-ը և մյուս վարորդի մեքենան: Ականատեսների վկայությամբ՝ մեղավորը եղել է երկրորդ մեքենայի վարորդը, որ միացրել էր մեքենայի աջ լուսարձակիչը, սակայն խաչմերուկից չի թեքվել աջ և շարունակել է ուղիղ առաջ շարժվել՝ բախվելով Քարդաշյանի ավտոմեքենային:

Վարորդները փոխանակել են իրենց կոնտակտային տվյալները, գրկախառնվել և հրաժեշտ տվել միմյանց: