1 րոպեի ընթերցում
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Կանանց տոների կապակցությամբ «Արամ Խաչատրյան» ֆիլհարմոնիկ մեծ համերգասրահում կայանալիք համերգին Սիրուշոն, Հայաստանի պետական երիտասարդական նվագախմբինվագակցությամբ, կներկայացնի իր նոր երգը: Ինչպես հայտնում է «Արմենպրես»-ը, երգչուհին գրառում է թողել իր ֆեյսբուքյան էջում` նշելով Հայաստանի երիտասարդական նվագախմբի կազմը:
Սիրուշոն կներկայացնի «Անտարբեր աշխարհ» երգը, որի երաժշտության հեղինակը երգչուհին է, խոսքերինը` Սրբուհի Ստամբոլցյանը, գործիքավորումը կատարել է Կարեն Անանյանը:
Կանանց միջազգային տոնի առթիվ հայկական էստրադայի ներկայացուցիչները համատեղ համերգով հանդես կգան Արամ Խաչատրյանի ֆիլհարմոնիկ մեծ համերգասրահում: Համերգի ընթացքում ելույթ կունենան Սիրուշոն, Էմմին, Հասմիկ Կարապետյանը, Մարտին Մկրտչյանը և Վարդան Բադալյանը: