1 րոպեի ընթերցում
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Հայաստանի Հանրապետություն ներկրվող բնական և հեղուկ գազի ծավալն անցյալ տարի 2012թ. համեմատ նվազել է 2.86 տոկոսով և կազմել 2 միլիարդ 333 միլիոն 449 հազար խորանարդ մետր: Նախորդ տարի ներկրված գազի մաքսային ընդհանուր արժեքը կազմել է 587.9 միլիոն դոլար:
ՀՀ կառավարությանն առընթեր Պետական եկամուտների կոմիտեի տվյալներով՝ 2012 թվականին մեր երկիր է ներմուծվել 2.4 միլիարդ խմ բնական և հեղուկ գազ՝ 532.5 միլիոն դոլար մաքսային ընդհանուր արժեքով: «Արմենպրես»-ի հաղորդմամբ՝ նախորդ տարի Իրանի Իսլամական Հանրապետությունից մեր երկիր է ներկրվել 408 միլիոն 252,6 հազար խմ բնական և հեղուկ գազ, Ռուսաստանից՝ 1 միլիարդ 925 միլիոն 196 հազար խմ:
Հայաստանի Հանրապետությունում գազամատակարարումն իրականացնում է 100 տոկոս բաժնեմաս ունեցող «Գազպրոմ Արմենիա» ընկերությունը: ՀՀ Հանրային ծառայությունները կարգավորող հանձնաժողովը 1 խորանարդ մետր գազի սակագին է սահմանել 156 դրամը (մինչև 10 հազար խմ. սպառում ունեցող բաժանորդների համար):