Սիրիայում կրկին հակակառավարական ուժերի ադրբեջանցի մոջահեդ են ոչնչացրել

ԵՐԵՎԱՆ, ՀՈՒՆՎԱՐԻ, ԱՐՄԵՆՊՐԵՍ: Ադրբեջանական լրատվամիջոցները չեն դադարում նոր տեղեկություններ հաղորդել Սիրիայում իշխանական ուժերի դեմ պայքարող ադրբեջանցի մոջահեդների մահվան վերաբերյալ: Ինչպես հաղորդում է «Արմենպրես»-ը` վկայակոչելով ադրբեջանական ԱՊԱ գործակալությունը, մոջահեդները տարածել են հերթականսպանված ադրբեջանցու լուսանկարը: Նշվում է, որ ադրբեջանցին հայտնի է եղել «Մուհամեդ» անունով: Սակայն նրա իրական անունը չի հաղորդվում:

2014թ.-ի սկզբից մինչեւ հունվարի 25-ը Սիրիայում սպանվել է 15 ադրբեջանցի մոջահեդ:

Ադրբեջանում շարունակվում են լուրեր ստացվել Սիրիայում կառավարական ուժերի դեմ կռվող ադրբեջանցիների մահվան մասին: Ժամանակ առ ժամանակ Բաքու են հասցվում մարտերում սպանված ադրբեջանցի մոջահեդների մարմինները: Հնեվելով սեփական տվյալների վրա ԱՊԱ-ն հայտնել է, որ Սիրիայում ապստամբների կողմից նախագահ Բաշար Ասադի դեմ կռվում են Ադրբեջանի 250-ից ավելի քաղաքացիներ, իսկ Սիրիայում ամբողջ պատերազմի ընթացքում ոչնչացվել են 100-ից ավելի ադրբեջանցիներ: 2013թ.-ի մայիսին Սիրիայում կռվող ադրբեջանցիները հանդես էին եկել հերթական տեսաուղերձով, որում հայրենակիցներին կոչ էին արել ջիհադ (պատերազմ հանուն հավատի) վարել Սիրիայում: Ադրբեջանի օրենսդրությամբ` ցանկացած օտարեկրյա զինված ջոկատում երկրի քաղաքացիների մասնակցությունը, որոնք չենք ենթարկվում Ադրբեջանի պաշտոնական կառույցներին, ծանր քրեական հանցագործություն է եւ որակվում է որպես վարձկանություն: