1 րոպեի ընթերցում
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Սոչիի ձմեռային Օլիմպիական խաղերում Ադրբեջանը պետք է ներկայացնեն ոչ թե այդ երկրի սպորտի սաները, այլ լեգեոներները: Այս մասին, ինչպես հաղորդում է «Արմենպրես»-ը, հայտնում է BBC-ին:
Նշվում է, որ ադրբեջանական դրոշի տակ Սոչիում ելույթ կունենան լեռնադահուկորդներ Պատրիկ Բրախները (Ավստրիա), Սեդրիկ Հոթցը (Շվեյցարիա), իտալուհի Գայա Բասանի Անտիվարին, ինչպես նաեւ նախկին ռուսաստանցիներ Ալեքսեյ Սիտնիկով-Յուլիա Զլոբինա չմշկասահքի պարային զույգը:
BBC-ին հայտնում է, որ 1998 թ-ից Ադրբեջանը մասնակցում է ձմեռային Օլիմպիական խաղերին բացառապես արտասահմանցի մարզիկներով, եւ չնայած դրան, Ադրբեջանը այդ խաղերում ոչ մի անգամ հաջողություններ չի գրանցել:
Haqqin.az-ին տված հարցազրույցում սպորտային մեկնաբան Էլչին Ջալիլովը նման մոտեցումը ինքնախաբեություն է անվանել: «Մենք գնում ենք ինչ-որ հյուսիսային երկիր եւ գտնում մարզիկների, որոնք անգամ իրենց հայրենիքում չեն մտնում առաջին տասնյակի կամ հնգյակի մեջ», -ասել է նա: