Իսակովի պողոտայում բախվել են «Տոյոտա» և «Ֆորդ Տրանզիտ» մակնիշի ավտոմեքենաներ

ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Երևանի Ծովակալ Իսակովի պողոտայում հունվարի 11-ին` ժամը 22.15-ի սահմաններում, իրար են բախվել «Տոյոտա» և «Ֆորդ Տրանզիտ» մակնիշի ավտոմեքենաներ:Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, վթարից հետո «Ֆորդ Տրանզիտ»-ին է բախվել «Օպել» մակնիշի ավտոմեքենա:Նույն օրը` ժամը 23.55-ին, հիվանդանոցից հաղորդում է ստացվել, որ մարմնական վնասվածքով բուժօգնության է դիմել «Տոյոտա»-ի ուղևորը:Կատարվում է քննություն: