ԱՊՀ-ի երկրների պատմաբանները համատեղ ուսումնական ձեռնարկ կպատրաստեն Հայրենական մեծ պատերազմի մասին. Չուբարյան
2 րոպեի ընթերցում
ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ: ԱՊՀ-ի երկրների պատմաբանները համատեղ ուսումնական ձեռնարկ կպատրաստեն Հայրենական մեծ պատերազմի պատմության մասին: Որոշումն ընդունվել Է ԱՊՀ-ի երկրների պատմության ինստիտուտների տնօրենների ընկերակցության նիստում: Այդ մասին, ինչպես տեղեկացնում Է «Արմենպրես»-ը, Ռուսաստանի Գիտությունների ակադեմիայի համաշխարհային պատմության ինստիտուտի տնօրեն ակադեմիկոս Ալեքսանդր Չուբարյանը հայտնել Է ԻՏԱՌ-ՏԱՍՍ գործկալությունում կայացած մամուլի ասուլիսի ժամանակ:
«Մենք տնօրենների հետ համատեղ որոշում ընդունեցինք: Բոլոր երկրները համաձայնեցին, որ ուսումնական ձեռնարկ պատրաստենք Հաղթանակի 70-րդ տարեդարձի առթիվ: Փոխհամաձայնություն ձեռք բերվեց այն բանի շուրջ, որ գիրքը կգրվի Հայրենական մեծ պատերազմում եւ Երկրորդ Համաշխարհային պատերազմում հաղթանակի 70-ամյակի առթիվ»,-ասել Է Չուբարյանը:
«Նոր գրքի հայեցակարգը պատրաստում են մեր բելառուս գործընկերները»,-ճշտել Է նա:
Պատմության ինստիտուտների տնօրենների ընկերակցության նիստին, որը տեղի Է ունեցել անցած շաբաթ Կիեւում, մասնակցել են Ռուսաստանը, Ուկրաինան, Բելառուսը, Ղազախստանը, Ադրբեջանը, Հայաստանը, Մոլդովան, Տաջիկստանը: Ղրղզստանի եւ Ուզբեկստանի պատմության ինստիտուտների ղեկավարներն ուղարկել են իրենց գրավոր համաձայնությունը: