4 րոպեի ընթերցում
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Ամերիկյան հեղինակավոր Huffington Post պարբերականը ներկայացրել է աշխարհի 8 ամենաանհավանական ջրային տոները, որոնց թվում է նաև հայկական Վարդավառը: Իրար վրա ջուր ցողելու ավանդույթը, պարզվում է, տարածված Է նաև մի շարք այլ մշակույթներում: Ինչպես փոխանցում է «Արմենպրես»-ը, ավանդույթը կապում են Նոր տարվա հետ:
Թայլանդական «Սոնգկրան» Նոր տարվա տոներից և Թայլանդի ամենահանրաճանաչ փառատոններից է: Այն տոնում են ապրիլի կեսերին`ամենատաք ժամանակաշրջանում: Տոնի արմատները սերում են հնդկական ավանդույթից:
Անցյալ տարի ամերիկյան Սիեթլ քաղաքում առաջին անգամ կազմակերպվել է «Աշխարհի ամեմամեծ ջրային մենամարտը», որի նպատակն էր ընդգրկվել Գինեսի ռեկորդների գրքում և դրամ հավաքել բարեգործության համար: Կազմակերպիչները չկարողացան դառնալ Գինեսի ռեկորդակիր, բայց միջոցառման շնորհիվ հավաքվեց 55 հազար ԱՄՆ դոլար, որը տրամադրվեց կյանքի համար վտանգավոր հիվանդություններ ունեցող երեխաներին:
Մյանմարի «Թինգյան» տոնը թեև թայլանդական ջրային տոնին նման Նոր տարվա խորհուրդ ունի և նշվում է ապրիլին, բայց տարբերվում է իր ավանդույթով: Այն ծագել է բուդդիստական մշակույթից: Միմյանց ջրելուց բացի, մյանմարցիները տոնի ժամանակ պետք է նաև բարի գործեր անեն այլոց:
Հաջորդը Չինաստանի դայի էթնիկ փոքրամասնության «ջրոցին» է, որը շատ կարևոր ծիսական խորհուրդ ունի այս ժողովրդի համար: Այն տևում է երեք օր. առաջին օրը գյուղացիները բացօթյա շուկա են կազմակերպում և վաճառում իրենց բերքը, երկրորդը օրը վառվող ջահեր են իջեցնում Լանսանգ գետը` չար ոգիներին քշելու համար, իսկ արդեն երրորդ օրը բնակիչները հագնում են իրենց ամենագեղեցիկ հագուստները, հավաքվում բուդդիստական տաճարում և ջուր ցողում իրար վրա:
Իսպանախոսները Սուրբ Հովհաննեսին նվիրված ջրային փառատոնը կամակերպում են յուրաքանչյուր տարվա հունիսի 23-ին. կեսգիշերից սկսվում է ջրային խենթ մենամարտը, և իրար լավ ջրելուց հետո մասնակիցները շարունակում են խնջույքը գարեջրով և հրավառությամբ:
Կամբոջիացիները նույնպես իրենց Նոր տարին տոնում են միմյանց ջրելով: Տոնն ավելի կենտրոնացած է հոգևոր մաքրման և բարի գործեր կատարելու վրա: Այդ ժամանակ կամբոջացիները ներկայացնում են իրենց ձեռքի աշխատանքները, երգում, պարում:
Հայկական Վարդավառը քրիստոնեական և հեթանոսական ավանդույթներ ունեցող հին հայկական տոնակատարություն է, որի ժամանակ մարդիկ իրար վրա ջուր են լցնում։ Ժողովրդական լեզվով այն հայտնի է նաև որպես «Ջրոցի» անունով: Հնում Վարդավառի տոնը կապում էինհայկական դիցարանիջրի, սիրո, պտղաբերության ու գեղեցկության աստվածուհիԱստղիկիհետ։ Վարդավառի տոնը նշվում էր ժողովրդական մեծ հանդիսություններով։ Աստղիկին վարդեր էին նվիրում, աղավնիներ էին բաց թողնում և միմյանց վրա ջուր ցողում։ Ջուր ցողելու սովորությունը պահպանվել է նաև մեր օրերում։
Նյու Յորքի մեծ ջրային մենամարտը կազմակերպվել է2013 թվականի հունիսի 29-ին, և իր չափերով գրավել լրատվամիջոցների ուշադրությունը: