Ֆուտբոլի Հայաստանի Մ-17 հավաքականը պարտությամբ մեկնարկեց Եվրոպայի առաջնության որակավորման փուլում

ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: ՖուտբոլիՀայաստանի մինչև 17 տարեկանների հավաքականը պարտությամբ մեկնարկեց Եվրոպայի առաջնության որակավորման փուլում:

«Արմենպրես»-ի հաղորդմամբ` Ավանի ֆուտբոլի ակադեմիայում Վարազդատ Ավետիսյանի սաներն առաջին փուլում մրցեցին Անգլիայի հավաքականի հետ և 4 անպաստան գնդակ ընդունեցին սեփական դարպասը: Անգլիացիներից աչքի ընկան Պատրիկ Ռոբերտսը, Դոմինիկ Սոլանկեն և Ադամ Ամստրոնը, ով դարձավ դուբլի հեղինակ:

Հայաստանի հավաքականին չէր հաջողվում գրոհներ կազմակերպել: Միակ վտանգավոր պահն ստեղծեց Հայկ Գալստյանը, ում հեռահար հարվածը դիպավ դարպասաձողին:

Եվրոպայի մինչև 17 տարեկանների 2013/2014 առաջնության որակավորման փուլի 7-րդ խմբի մրցաշարը հոկտեմբերի 23-ից 30-ը անցկացվում է Հայաստանում: Մեր հավաքականի մրցակիցներն են Անգլիայի, Իռլանդիայի և Ջիբրալթարի հավաքականները:Երկրորդ տուրում մեր հավաքականի մրցակիցը Իռլանդիայի թիմն է:

Հայաստանի մինչև 17 տարեկանների հավաքական, Անգլիայի թիմ, Եվրոպայի առաջնության որակավորման փուլ