398.97
Պուտինը Կազանի ունիվերսիադայում Ռուսաստանի հաղթանակն արժեզրկողներին առաջարկել է վիագրա խմել
1 րոպեի ընթերցում
ԵՐԵՎԱՆ, 19 ՀՈՒԼԻՍԻ, ԱՐՄԵՆՊՐԵՍ: Ռուսաստանի Դաշնության նախագահ Վլադիմիր Պուտինը Կազանում անցկացված Ունիվերսիադայի անդամների հետ հանդիպմանը անտեղի է համարել խոսակցություններն այն մասին, թե Ռուսաստանի հավաքականի հաջողություններն ապահովել են պրոֆեսիոնալ մարզիկները: Ինչպես հաղորդում է «Արմենպրես»-ը` վկայակոչելով ռուսական լրատվամիջոցները, Պուտինը այդպիսի խոսակցություններ տանողներին խորհուրդ է տվել զբաղվել սպորտով, իսկ եթե առողջությունը չի ներում՝ «Վիագրա» խմել: «Այդպես էլ ուզում եմ նրանց խորհուրդ տալ զբաղվել սպորտով, իսկ եթե առողջական խնդիրներ կան՝ դիմեն բժշկի: Այստեղ նստած մարդիկ առողջ են, մի գուցե նրանք նաեւ Վիագրա փորձեն, հնարավոր է օգնի»,- ասել է Պուտինը:
ՌԴ նախագահը ափսոսանք է հայտնել, որ իր երկրում միշտ եղել են մարդիկ, ովքեր մրցակիցների հաղթանակի դեպքում թերագնահատել են Ռուսաստանին: Որոշ մասնագետներ ասում են, որ Կազանում անցկացվող Ունիվերսիադայում Ռուսաստանի հաղթանակն ապահովել են պրոֆեսիոնալ սպորտսմեններ ՌԴ հավաքականից:
Բաժանորդագրվեք մեր ալիքին Telegram-ում