1 րոպեի ընթերցում
ԵՐԵՎԱՆ, 15 ՀՈՒՆԻՍԻ, ԱՐՄԵՆՊՐԵՍ: Նորվեգիայի խորհրդարանը հավանություն է տվել կանանց պարտադիր ծառայության զորակոչելու մասին օրինագծին:
Ինչպես տեղեկացնում է «Արմենպրես»-ը՝ վկայակոչելով Interfax-ը, այսպիսով Նորվեգիան կդառնա Եվրոպայի եւ ՆԱՏՕ ռազմաքաղաքական դաշինքի անդամ առաջին երկիրը, որտեղ ծառայությունը պասրտադիր կլինի երկու սեռերի համար: «Բոլորի համար իրավունքները եւ պարտականությունները պետք է հավասար լինեն: Զինված ուժերը պետք է հասանելի լինեն լավագույնների համար՝ անկախ սեռական պատկանելությունից»,- ասել է օրինագծի հեղինակներից Լաիլա Գուստավսենը:
Այս պահին Նորվեգիայում կանայք ծառայում են պայմանագրային հիմունքներով: Նորվեգիայի պաշտպանության նախարարության տվյալներով՝ կանայք կազմում են երկրի զինված ուժերի 10 տոկոսը: