ՄԱԿ-ի ԱԽ-ն Ուսամա բեն Լադենին իր «սեւ ցուցակից» հանել Է նրա մահվանից գրեթե երկու տարի հետո

ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: ՄԱԿ-ի Անվտանգության խորհրդի Կոմիտեն որոշում Է կայացրել իր պատժամիջոցների ցանկից հանել «Ալ Քաիդա» միջազգային ահաբեկչական խմբավորան նախկին պարագլուխ Ուսամա բեն Լադենին, որին ամերիկյան հատուկ նշանակության ուժերը ոչնչացրել են 2011 թվականի մայիսին Պակիստանում: Այս մասին, ինչպես խտեղեկացնում Է «Արմենպրես»-ը, փետրվարի 25-ին հաղորդել Է Ռոյթեր գործակալությունը:

Բեն Լադենը ՄԱԿ-ի Անվտանգության խորհրդի՝ «Ալ Քաիդա»-ի դեմ պատժամիջոցների կոմիտեի «սեւ ցուցակում» հայտնվել Էր 2001 թվականի հունվարին: Այդ ժամանակվանից ի վեր նրա դեմ գործում Էր տեղափոխման արգելքը, իսկ նրա ունեգումարները սառեցվել Էին:

ՄԱԿ-ի Անվտանգության խորհրդի՝»Ալ Քաիդա»-ի դեմ պատժամիջոցների կոմիտեն հիմնվել Է 1999 թվականի հոկտեմբերի 15-ի թիվ 1267 բանաձեւով: Ներկայում դրա «սեւ ցուցակում» ներառված են 233 մարդ եւ 63 կազմակերպություն: