Ուկրաինան կանցնի ամառային ժամանակի

ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Ուկրաինան մարտի 30-ից կանցնի ամառային ժամանակի: «Արմենպրես»-ի հաղորդմամբ` այս մասին տեղեկացնում է «Իտառ-ՏԱՍՍ»-ը: «Մենք, սովորականի պես, մարտի 30-ին անցում կկատարենք ամառային ժամանակի: Այս առումով որեւէ տեղում որեւէ երկխոսություն չի կարող լինել: Երբ նման հարց կդրվի, մենք անպայման կտեղեկացնենք հասարակությանը եւ կխորհրդակցենք»,- Ֆեյսբուքյան իր էջում նման գրառում է արել Ուկրաինայի վարչապետ Նիկոլայ Ազարովը:

Նա հայտնել է, որ ներկա դրությամբ ժամային փոփոխության վերաբերյալ այլ տարբերակի քննարկման հարցն արդիական չէ: Ազարովը նկատել է, որ անհրաժեշտ է հնարավորինս օգտագործել օրվա լուսավոր ժամանակը եւ էներգետիկ ռեսուրսները խնայել: