1 րոպեի ընթերցում
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Անհայտ անձինք «Մոլոտովյան կոկտեյլ» պայթուցիկներով հարձակվել են Վանի Հաջըբեքիր թաղամասի տարրական դպրոցներից մեկի վրա: Ինչպես հաղորդում է«Արմենպրես»-ը` վկայակոչելով թուրքական Radikal պարբերականը, հարձակումը տեղի է ունեցել դպրոցի մուտքի մոտ:
«Մոլոտովյան կոկտեյլները» դպրոցի մուտքի մոտ հրդեհ են առաջացրել: Այս տարածքում գտնվող բոլոր իրերն այրվել են: Ավելի ուշ հարձակվողները կոտրել են դպրոցի պատուհանների ապակիները և բակում այրել Թուրքիայի դրոշը:
Թուրքական ոստիկանությունը դեպքի վայրում հետաքննություն է սկսել: Վերցվել են հարձակվողների մատնահետքերը: Միջադեպի առնչությամբ սկսել է հետաքննություն: