368.54
ՀՀ նախագահ Ռոբերտ Քոչարյանի եւ Ա. Ղահրամանյանի աշխատանքայինհանդիպման ժամամակ քննարկվել են Արմավիրի մարզի խնդիրները
1 րոպեի ընթերցում
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Արմավիրի մարզի խնդիրներն են քննարկվել ՀՀ նախագահ Ռոբերտ Քոչարյանի եւ մարզպետ Աշոտ Ղահրամանյանի այսօր կայացած աշխատանքային հանդիպմանը: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, մարզպետը նախագահին է ներկայացրել բոլոր ոլորտներում առկա իրավիճակը, իրականացվող ծրագրերը: Մասնավորապես խոսվել է խմելու եւ ոռոգման ջրին, գյուղմթերքի վերամշակման ձեռնարկությունների թվի ավելացմանն ու համայնքային բյուջեների կատարմանն առնչվող խնդիրների մասին: Անդրադարձ է կատարվել Արաքս գետի ափի որոշ գոտիների ամրացման անհրաժեշտությանը, որը հրատապ է գարնանային հեղեղումների պատճառով հարակից գյուղատնտեսական հողերի ավերման վտանգը կանխելու առումով: Քննարկված հարցերի շուրջ նախագահը տվել է հանձնարարականներ:
Բաժանորդագրվեք մեր ալիքին Telegram-ում