Քաղաքականություն

Հայաստանը կնախագահի Եվրախորհրդի նախարարների կոմիտեում

1 րոպեի ընթերցում

Հայաստանը կնախագահի Եվրախորհրդի նախարարների կոմիտեում

ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Հայաստանն այս տարվա մայիսից կնախագահի Եվրախորհրդի նախարարների կոմիտեում:«Արմենպրես»-ի փոխանցմամբ` հունվարի 24-ին լրագրողների հետ հանդիպման ժամանակ Հայաստանի Հանրապետության արտաքին գործերի նախարար Էդվարդ Նալբանդյանը նշեց, որ դա շատ պատվավոր, բայց եւ պատասխանատու առաքելություն է: «Մենք նախապատրաստում ենք այդ ժամանակաշրջանի մեր առաջնահերթությունները, համապատասխան ծրագիր է մշակվում, որը կներկայացվի ապրիլին»,- ասաց ԱԳ նախարարը` ավելացնելով, որ ծրագրին ծանոթանալու նպատակով ապրիլին Հայաստան կայցելի Եվրախորհրդի գլխավոր քարտուղարը:

2013թ-ին Հայաստանը կնախագահի նաեւ Սեւծովյան տարածաշրջանային հանձնաժողովում: Էդվարդ Նալբանդյանը տեղեկացրեցնաեւ, որ ընթացիկ տարումՀայաստանում նախատեսվում է «Արեւելյան գործընկերություն» ծրագրին մասնակից երկրների արտգործնախարարների եւ ԵՄ ներկայացուցիչների հանդիպումը:

2012 թվականի ընթացքում Հայաստանը դիվանագիտական հարաբերություններ է հաստատել 4 պետության հետ: Իրականացված փոխայցելությունները ԱԳ նախարարն արդյունավետ է գնահատում ձեռք բերված պայմանավորվածությունների եւ ստորագրված հարյուր հինգ միջազգային պայմանագրերի եւ այլ փաստաթղթերի առումով:

Կարդացեք հոդվածը` EnglishРусский
AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում