1 րոպեի ընթերցում
ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիայի սահմանամերձ Հաքքարի շրջանում` Հաքքարի-Չուքուրջա ճանապարհի վրա, հայերի կողմից կառուցված ջրաղացը, անկախ տեխնոլոգիական զարգացումներից,մեր օրերումէլշարունակում է կիրառվել թուրքերի կողմից: Ինչպես հաղորդում է «Արմենպրես»-ը, այս մասին տեղեկացնում է թուրքական Haberler.com-ը:
Պատմական ջրաղացն արդեն երկար տարիներ աշխատացնող Աբդուլսելամ Օլմեզը նշում է, որ ջրաղացը մոտ հազարամյա պատմություն ունի: «Այն կառուցվել և օգտագործվել է հայերի կողմից: Սկզբում օգտագործում էր պապիկս, իսկ այժմ էլ մենք»,- հայտնել է նա:
Օլմեզի խոսքերով` ջրաղացն օգտագործվում է ցորեն, եգիպտացորեն աղալու, իսկ ձմռան ամիսներին նաև քունջութի յուղ արտադրելու համար: