Առաջիկայում ռուս-վրացական հարաբերությունների կարգավորման պաշտոնական քննարկումներ կսկսվեն. Սերգեյ Լավրով

ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Մոտ ապագայում ռուսական կողմը կհանդիպի Վրաստանի վարչապետի` ՌԴ հետ հարաբերությունների կարգավորման հարցերով հատուկ ներկայացուցիչ Զուրաբ Աբաշիձեի հետ: Ինչպես հաղորդում է «Արմենպրես»-ը` վկայակոչելով РИА Новости-ն, այս մասին դեկտեմբերի 9-ին` կիրակի, հայտարարել է Ռուսաստանի Դաշնության արտաքին գործերի նախարար Սերգեյ Լավրովը ՌԴ նախագահ Վլադիմիր Պուտինի հրավիրած խորհրդակցությունից հետո: Ավելի վաղ պաշտոնական Մոսկվան պարբերաբար ընդգծում էր, որ բացառվում են ցանկացած հանդիպումները Վրաստանի նախագահ Միխայիլ Սաակաշվիլիի հետ` համարելով վերջինիս Հարավային Օսիայի հետ ռազմական խնդրի հիմնական մեղավոր:

«Ոչ ոք նման հնարավորությունները չի բացառում: Տվյալ դեպքում Ռուսաստանն, ինչպես եւ հայտարարվել էր ավելի վաղ, սպասում է բարենպաստ զարգացումների»,-հայտարարել է ՌԴ նախագահի մամլո խոսնակ Դմիտրի Պեսկովը: