1 րոպեի ընթերցում
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայում ապստամբների կողմից պատերազմում են նաև դիպուկահարներ, որոնք Սիրիա են մուտք գործում հարևան երկրներից: Ինչպես հաղորդում է «Արմենպրես»-ը` վկայակոչելով «Ռիա-նովոստին», այս մասին հայտարարել է ՌԴ արտաքին գործերի նախարար Սերգեյ Լավրովը: «Սիրիայում քաղաքացիական պատերազմն ընթանում է ապստամբների կողմից գործող դիպուկահարների մասնակցությամբ, այդ դիպուկահարների հոսքը շարունակվում է Սիրիայի հարևան երկրների միջոցով»,- Փարիզում ասել է Լավրովը` անվտանգության հարցերով ռուս-ֆրանսիական խորհրդի նիստից հետո:
Սիրիայում արդեն 1,5 տարի է չի դադարում հակամարտությունը, որի զոհեր են դարձել ավելի քան 20 հազար մարդիկ: Սիրիայի իշխանությունները հայտարարում են, որ հանդիպում են լավ զինված ապստամբների հակազդմանը, որոնց արտերկրից են աջակցում: