Սերգեյ Լավրով. Ռուսաստանը չի միջամտում Վրաստանի ներքին գործերին, բայց սադրանքներ թույլ չի տա Աբխազիայում եւ Հարավային Օսիայում
1 րոպեի ընթերցում
ՄՈՍԿՎԱ, 9 ՆՈՅԵՄԲԵՐԻ, ԱՐՄԵՆՊՐԵՍ: ՌԴ-ի արտաքին գործերի նախարար Սերգեյ Լավրովը հայտարարել է, որ Ռուսաստանը չի միջամտում Վրաստանի ներքին գործերին, բայց սադրանքներ թույլ չի տա Աբխազիայում եւ Հարավային Օսիայում: «Ռուսաստանը չի միջամտում Վրաստանի ներքին գործերին: Մենք չենք թելադրում վրացի քաղաքական գործիչներին՝ ինչ, երբ եւ ինչպես անել: Դա մեր մեթոդը չէե,- ասել է Լավրովը Շվեյցարիայի նախագահ Միշլին Կալմի Ռեի հետ հանդիպման արդյունքներին նվիրված մամուլի ասուլիսում: Նա նշել է, որ ստեղծված իրավիճակում գլխավորը սադրանքներ թույլ չտալն է հակամարտությունների տարածաշրջաններում՝ Աբխազիայում եւ Հարավային Օսիայում: «Մենք հնարավոր ամեն ինչ կանենք, որպեսզի դա թույլ չտանքե,-հայտարարել է ռուսաստանցի նախարարը: «Այնտեղ բնակվում են Ռուսաստանի շատ քաղաքացիներ: Մենք պատասխանատու ենք որպես խաղաղապահներ տրամադրած երկիր, եւ մենք ամեն ինչ անելու ենք, որպեսզի կատարենք մեր ստանձնած պարտավորություններըե,-հավելել է նա: