2 րոպեի ընթերցում
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: Հալեպի օդանավակայանի ճանապարհին զոհված եւ վիրավորված հայերը Սիրիա էին հասել սեպտեմբերի 11-ին «Սիրիական ավիաուղիներ»-ի իրականացրած Երեւան-Հալեպ չվերթով: Նրանք ավելի ապահով լինելու համար Հալեպի օդանավակայից դուրս են եկել խմբով, եւ ճանապարհը փակ լինելու պատճառով որոշել են քաղաք հասնել շրջանցող ճանապարհով, սակայն հայտնվել Սիրիայի ազատ բանակի կրակահերթի տակ: Ազգային առաջնորդարանի մամլո քարտուղար Ժիրայր Ռեյիսյանն«Արմենպրես»-ի հետ զրույցումնշեց, որ չորս մարդ է զոհվել, 13-14-ը` վիրավորվել: Վիրավորները տարբեր աստիճանի մարմնական վնասվածքներով տեղափոխվել են Հալեպի հիվանդանոցներ: Վիրավորներից մի քանիսն արդեն վիրահատվել են, եւ, ընդհանուր առմամբ, նրանց վիճակը մտահոգիչ չէ:
Ռեյիսյանը նաեւ ավելացրեց, որ Ազգային առաջնորադարանի մոտակայքում ռումբ է ընկել, եւ բարեբախտաբար ոչ ոք չի տուժել, շինությունը միայն նյութական վնասներ է կրել: Նրա խոսքով` այս պահին Հալեպում շատ կրակոցներ չեն լսվում:
Հալեպահայերի ֆեյսբուքյան էջից տեղեկացանք, որ զինյալները կրակ են բացել Հալեպի օդանավակայանից ուղեւորվող 6 ավտոմեքենաների ուղղությամբ:
Հալեպի օդանավակայանից երկրորդական ճանապարհով Հալեպ ուղեւորվելիս կրակահերթի տակ հայտնվելու հետեւանքովզոհվել են Հարութ Սուլավյանը, Արսեն Պեպեջյանը, Հրաչ Պեպեջյանը եւ Մեսրոպ Աճեմյանը: