396.99
Քլինթոնը հրաժարվել Է վերջնագիր ներկայացնել Իրանին
1 րոպեի ընթերցում
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ-ի պետքարտուղար Հիլարի Քլինթոնը սեպտեմբերի 10-ին հայտարարել Է, որ իր երկիրը ոչ մի վերջնագիր չի ներկայացնի Իրանին, հաղորդում Է «Արմենպրես»-ը՝ հղում անելով «Հաարեց» թերթին: Ամերիկյան դիվանագիտության ղեկավարն այդ կերպ Է արձագանքել Իսրայելի վարչապետ Բենիամին Նաթանյահուին, ով պահանջել Էր սահմանել «կարմիր գիծ», որն անցնելը Թեհրանի համար կնշանակեր պատերազմ:
«Մենք ոչ մի գիծ ու վերջնաժամկետ չենք սահմանում: Բանակցությունների շարունակումը շատ ավելի արդյունավետ մարտավարություն Է»,-ասել Է Քլինթոնը:
Դրանից մեկ օր առաջ Նաթանյահուն լրագրողներին պատմել Էր, որ ԱՄՆ-ը եւ Իսրայելն աշխատում են Իրանի նկատմամբ համատեղ պահանջներ մշակելու վրա, որոնք չկատարելը կսպառնար պատերազմով: Դրա հետ մեկտեղ վարչապետն ընդգծել Էր, որ այսչափ խիստ մոտեցումը միակ հնարավորությունն Է խուսափելու Թեհրանի միջուկային օբյեկտների դեմ ռազմական գործողությունից:
Իսկ Քլինթոնը հայտարարել Է, որ ԱՄՆ-ը շատ ուշադիր հետեւում Է իրանական միջուկային ծրագրի զարգացմանը, բայց ընդսմին տարբերակում Է Թեհրանի հայտարարությունները նրա գործողություններից: «Դրանք բնավ Էլ նույնը չեն»,-ասել Է ԱՄՆ-ի պետքարտուղարը:
Բաժանորդագրվեք մեր ալիքին Telegram-ում