Իրանի միջուկային ծրագիրն աշխարհի մյուս հիմնախնդիրներից ավելի վտանգավոր չԷ. Սերգեյ Լավրով
2 րոպեի ընթերցում
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Իրանի միջուկային ծրագրի խնդիրը միջազգային մյուս բազմաթիվ հիմնախնդիրներից ավելի վտանգավոր չԷ: Այս մասին, ինչպես հաղորդում Է «Արմենպրես»-ը՝ հղում անելով ՌԻԱ Նովոստիին, հայտարարել Է ՌԴ-ի արտաքին գործերի նախարար Սերգեյ Լավրովը:
«Տարաձայնությունները, որոնք պահպանվում են «վեցյակի» անդամների եւ Իրանի միջեւ, շատ լուրջ են, բայց ես կասեի, որ դրանք ավելի լուրջ չեն, քան պաղեստինա-իսրայելական եւ արաբա-իսրայելական կարգավորման հարցում առկա տարակարծությունները, ավելի լուրջ չեն, քան Արեւմտյան Սահարայի շուրջ կամ Մերձավոր Արեւելքում զանգվածային ոչնչացման զենքից ազատ գոտու ստեղծման խնդիրների շուրջ եղած տարաձայնությունները»,-ասել Է նա «Սքայ Նյուս Արաբիա» հեռուստաալիքին տված հարցազրույցի ժամանակ:
Լավրովը նաեւ ընդգծել Է, որ ՌԴ-ում Իրանի միջուկային ծրագրի շուրջ Ստամբուլում եւ Մոսկվայում կայացած բանակցությունները ձախողված չեն համարում: «Նրանք, ովքեր դա որպես ձախողում են ներկայացնում, ցանկանում են հիստերիկ ճարտասանություն բորբոքել: Դա ճիշտ չԷ»,-նշել Է նախարարը:
Պատասխանելով Իրանի նկատմամբ Իսրայելի ռազմական սպառնալիքների մասին հարցին՝ Լավրովն ընդգծել Է, թե ինքը «չի հավատում, որ ռազմական ուժը կարող Է հանգեցնել խնդրի կայուն եւ երկարաժամկետ լուծման»: