Քուրդ զինյալները թուրք պատգամավորի են առեւանգել

ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Քրդստանի աշխատավորական կուակցության (PKK) զինյալները Թուրքիայի Թունջելի նահանգում առեւանգել են այդ երկրի խորհրդարանի ընդդիմադիր Ժողովրդահանրապետական կուսակցության (ԺՀԿ) պատգամավոր Հուսեին Այգյունին: Ինչպես հաղորդում է «Արմենպրես»-ը` վկայակոչելով թուրքական ԶԼՄ-ները, միջադեպը տեղի է ունեցել օգոստոսի 12-ի երեկոյան: Թունջելիից ընտրված պատգամավորին քուրդ զինյալներն առեւանգել են իր օգնական Քադիր Մերքիթի եւ թուրքական «Աքշամ» թերթի թղթակցի հետ Օվաջըքից Թունջելի վերադարձին: Նրանք կանգնեցրել են ավտեմեքենան, պատգամավորին իրենց հետ տարել լեռները, իսկ նրան ուղեկցող օգնականին, «Աքշամ»-ի թղթակցին եւ վարորդին բաց թողել:

PKK-ի կողմից թուրք պատգամավորին առեւանգելու լուրը ցնցել է Թուրքիան: Լուրեր են շրջանառվում, որ հարավարեւելյան քրդաբնակ Հաքքարիի նահանգում PKK-ի աննախադեպ հարձակումներից հետո քուրդ զինյալները նոր հարվածներ են նախապատրաստում իրագործել:

Այդ միջադեպից հետո Թուրքիայի պաշտոնական կառուցներն ակտիվացրել են PKK-ի դեմ գործողությունները: Թունջելիի նահանգապետ Մուստաֆա Թաշքեսանը հայտնել է, որ ԺՀԿ-ի պատգամավորին առեւանգելու հետ կապված տարածաշրջանում խոշորամասշտաբ միջոցառումներ են սկսվել: Գործընթացին ոստիկանությանը հավասար ներգրավվել է նաեւ թուրքական բանակը