1 րոպեի ընթերցում
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: «Սիվասի (հայկական Սըվաս) հայերի և նրանց բարեկամների» ընկերությունը Թուրքիայի Սիվաս քաղաքում բնակվող հայերի հետ միասին այցելել է քաղաքի կենտրոնում գտնվող հայկական գերեզմանատուն: Ինչպես հաղորդում է «Արմենպրես»-ը` վկայակոչելով Ստամբուլում լույս տեսնող «Ակոս» պարբերականը, հավաքված հայերն իրենց մերձավորների շիրիմների մոտ մոմ են վառել:
Արարողության մասնակիցների հետ է եղել նաև հայ Մյուրոն Այվազյան քահանան, ով ներկաների հետ միասին աղոթել է հանգուցյալների հոգու հանգստության համար:
Նմանօրինակ միջոցառում կազմակերպվել էր առաջին անգամ: Ներկա է գտնվել «Սիվասի հայերի և նրանց բարեկամների» ընկերության 217 անդամ: