Պետր Լոմի ֆիլմը պատմում է Եգիպտոսի հեղափոխության մասին

ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ:«Ոսկե ծիրան»երեւանյան միջազգային 9-րդ կինոփառատոնին մասնակցելու համար Հայաստան է ժամանել նաեւ չեխ հայտնի ռեժիսորՊետր Լոմը, ովայս անգամ Հայաստան է բերել իր «Հետ` դեպի հրապարակ» ֆիլմը: «Արմենպրես»-ի փոխանցմամբ` լրագրողների հետ հանդիպման ժամանակ Պետր Լոմը հակիրճ ներկայացրեց ֆիլմի բովանդակությունը, որը Եգիպտոսի հեղափոխության մասին է: «Ես ցանկացա ցույց տալ, որ այն մարդիկ, ովքեր կարծում են, որ ամեն ինչ լավ է` սխալվում են: Դա այդպես չէ: Ֆիլմն անարդարությունների մասին է, որոնք ամենուրեք են»,-ասաց Լոմը:

Ֆիլմինկարահանումները կատարվել են Եգիպտոսում` նախքան հեղափոխության սկիզբը. այն տեւել է տասն ամիս: Հեղափոխությունից մեկ տարի անց բողոքի ցույցերը շարունակվում են, բայց Թահրիր հրապարակի կրքերն ու եգիպտական թավշե հեղափոխությունը տեղը զիջել են ավելի սթափ գիտակցման, որ Եգիպտոսը դեռ երկար պետք է պայքարի հին ուժային կառույցներից, արմատավորված կոռուպցիայից և ամենից առաջ` մարդու հիմնարար իրավունքների համատարած ոտնահարումից ձերբազատվելու համար: «Մենք հետեւում ենք հինգ տարբեր հերոսների` եգիպտական հասարակության խիստ տարբեր խավերի տեսանկյուններից. նրանք բոլորն էլ հեղափոխության սկսվելուց ի վեր տուժել են պետական անարդարությունից»,-ասաց նա:

Ռեժիսորը կարծում է, որ հեղափոխությունները տարբեր են լինում, իսկ Եգիպտոսի թեման նա ընտրել է մի պարզ պատճառով. այն արաբական աշխարհի խոշորագույն պետություններից է: Պետր Լոմը հայկական կինոփառատոնին մասնակցում է արդեն երկրորդ անգամ: Այս անգամ կինոփառատոնը կշարունակվի մինչեւ հուլիսի 15-ը: