Ֆրանսիան առանց թերթերի Է մնացել տպարանների գործադուլի պատճառով

ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Ֆրանսիական թերթերը հուլիսի 5-ին թղթե տարբերակով լույս չեն տեսել երկրի տպարանների աշխատակիցների գործադուլի պատճառով, հաղորդում Է «Արմենպրես»-ը՝ հղում անելով «Ինտերֆաքս» գործակալությանը: Հրատարակությունների մեծ մասն այս իրավիճակում pdf ձեւաչափով համարներն անվճար զետեղել Է Համացանցում:

Ինչպես հաղորդում Է Համաշխարհային հրատարակչական ասոցիացիայի (WAN-IFRA) բլոգը, գործադուլի պատճառ են դարձել աշխատակիցների զանգվածային արձակումները: Օրինակ՝ Hersant հրատարակչությունում կրճատել են 670 մարդու, իսկ Presstails ընկերությունում, որն զբաղվում Է մամուլի տարածմամբ, շուրջ 1000 հոոգու: Հրատարակչությունների աշխատակիցները կառավարությանը կոչ են անում միջամտել ստեղծված իրադրությանը:

Ամենօրյա մամուլի ազգային միությունը, սակայն, դատապարտել Է գործադուլը: Տպագիր զանգվածային լրատվամիջոցներն ստեղծված իրադրությունում դարձել են տպարանների «պատանդը», նշել են կազմակերպությունում՝ հավելելով, որ գործադուլները սոսկ ապակայունացնում են ինդուստրիայի աշխատանքի շուկան: