Սերժ Սարգսյանը հանդիպում է ունեցել Ուկրաինայի նախագահի հետ
1 րոպեի ընթերցում
![Սերժ Սարգսյանը հանդիպում է ունեցել Ուկրաինայի նախագահի հետ](http://armenpress.am/resized/480/static/news/b/2012/07/686451.jpg)
ԵՐԵՎԱՆ, 2 ՀՈւԼԻՍԻ, ԱՐՄԵՆՊՐԵՍ: ՀՀ Նախագահ Սերժ Սարգսյանը Կիև կատարած աշխատանքային այցի ընթացքում հանդիպում է ունեցել Ուկրաինայի նախագահ Վիկտոր Յանուկովիչի հետ: Ինչպես հաղորդում է «Արմենպրես»-ը` վկայակոչելով Ուկրաինայի նախագահի պաշտոնական կայքը, հանդիպման ընթացքում քննարկվել են երկկողմ համագործակցությանն առնչվող հարցեր:
Հանդիպման մեկնարկին Ուկրաինայի նախագահը մասնավորապես ասել է. «Պատրաստ եմ Ձեզ հետ քննարկել երկկողմ և առևտրատնտեսական հարաբերություններին առնչվող հարցեր»:
Սերժ Սարգսյանն Ուկրաինա է մեկնել հուլիսի 1-ին: Նա Վիկտոր Յանուկովիչի և բարձրաստիճան այլ հյուրերի հետ միասին դիտել է Եվրոպայի ֆուտբոլի առաջնության «Եվրո-2012» եզրափակիչ խաղը: