Քիմ Քարդաշյանը գերադասում է իրենից մեծ տղամարդկանց հետ հանդիպել

ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: «Ռեալիթի շոու»-ի 31-ամյա աստղ Քիմ Քարդաշյանը հանդիպում է ամերիկացի երգիչ Քենյի Ուեսթի հետ, քանի որ ռեփերը նրա առաջին զուգընկերներից է, ով իրենից տարիքով մեծ է: Ինչպես հաղորդում է «Արմենպրես»-ը` վկայակոչելով բրիտանական The Sun-ը, այս մասին Քարդաշյանը ասել է «Օփրա Ուինֆրիի շոու» թոք-շոուի հաղորդավար Օփրա Ուինֆրիին ամերիկյան հեռուստահաղորդման ժամանակ: «Ես ուրախ եմ, որ հիմա Ուեսթի հետ եմ, ով ինձանից 4 տարի մեծ է: Նախկինում իմ բոլոր զուգընկերները տարիքով ինձանից գրեթե 5 տարի փոքր են եղել: Իսկ հիմա ուրախ եմ, որ հանդիպում եմ տղամարդու, ով ինձանից մի քանի տարի մեծ է»,-նշել է Քիմը:

Քարդաշյանը 2011 թ.-ի օգոստոսի 20-ին ամուսնացել է հայտնի ամերիկացի բասկետբոլիստ 27-ամյա Քրիս Համֆրիսի հետ, որից ամուսնությունից ընդամենը 72 օր հետո բաժանվել է:Քենյի Ուեսթի հետ Քարդաշյանը սկսել է հանդիպել 2012 թ.-ի սկզբից: