Սիրիայի իշխանությունները բռնել են սպանություններ իրականացրած ահաբեկիչներին

ԲԵՅՐՈՒԹ, 14 ՄԱՐՏԻ, ԱՐՄԵՆՊՐԵՍ: Սիրիայի անվտանգության ուժերին հաջողվել է բռնել մի քանի ահաբեկիչների, որոնք 47 խաղաղ բնակիչների են սպանել երկրի Հոմս քաղաքի Քարամ-Զեյթուն թաղամասում: Ինչպես հաղորդում է «Արմենպրես»-ը, վկայակոչելով ИТАР-ТАСС-ը, «Սուրիա» հեռուստաընկերությունը ձերբակալվածների թվի մասին ոչինչ չի հաղորդել, սակայն խոստացել է բացահայտել զինված ծայրահեղականների ձերբակալության մանրամասները, որոնց մեջ կան վարձկաններ արաբական այլ երկրներից: Մարտի 12-ին հեռուստատեսությամբ ցուցադրել են այս արյունահեղության զոհերին, որոնց մեջ են եղել 47 կին եւ երեխաներ: Դիկաներից շատերի վրա հայտնաբերել են դանակի հարվածների հետքեր: Դամասկոսում խաղաղ բնակիչների զանգվածային սպանությունների պատասխանատվությունը դրել են ծայրահեղականների զինված խմբերի վրա: