1 րոպեի ընթերցում
ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանը նոյեմբերի 5-7-ը պաշտոնական այցով կմեկնի üինլանդիա: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, նախագահի գլխավորած պատվիրակության կազմում են արտգործնախարար Վարդան Օսկանյանը, Ազգային Ժողովի եվրոպական ինտեգրման հարցերի մշտական հանձնաժողվի նախագահ Ավետ Ադոնցը, առեւտրի եւ տնտեսական զարգացման նախարար Ներսես Երիցյանը, Երեւանի քաղաքապետ Երվանդ Զախարյանը, Կենտրոնական բանկի նախագահ Տիգրան Սարգսյանը, պաշտոնատար այլ անձինք: Հայաստանի նախագահի դիմավորման պաշտոնական արարողությունից հետո կկայանա նախագահներ Ռոբերտ Քոչարյանի եւ Տարյա Հալոնենի առանձնազրույցը, որին կհաջորդի պաշտոնական պատվիրակությունների մասնակցությամբ ընդլայնված կազմով հանդիպումը եւ երկու երկրների ղեկավարների մամուլի ասուլիսը: Հայաստանի նախագահը ողջույնի խոսքով հանդես կգա üինլանդիայի խորհրդարանում, հանդիպումներ կունենա վարչապետի, ýինլանդական գործարար կազմակերպությունների ղեկավարների հետ: Ռոբերտ Քոչարյանը կայցելի Հելսինկիի քաղաքապետարան, ելույթ կունենա տեղի համալսարանի Ալեքսանթերի ինստիտուտում: Հայաստանի նախագահը կլինի նաեւ «Նոկիաե ընկերությունում, կայցելի պատմամշակութային մի շարք վայրեր: