368.06
Սիրտի հազարավոր բնակիչներ փախչում են՝ երկյուղելով մոտալուտ գրոհից
2 րոպեի ընթերցում
ԿԱՀԻՐԵ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Լիբիայի Անցումային ազգային խորհրդի միացյալ զինված ուժերի մարտիկները պատրաստվում են գրոհել Սիրտի՝ Մուամար Քադաֆիի վերջին պատվարներից մեկի վրա: Ինչպես «Ալ Ջազիրա» հեռուստաալիքին հայտնել Է դաշնային հրամանատար Ֆաուզի Աբու Կատեֆը, երեք ուղղություններով՝ արեւմտյան, արեւելյան եւ հարավային, հարձակումը կսկսվի գրոհելու հրամանն ստանալուց անմիջապես հետո:
«Մենք սպասում ենք, որ խաղաղ բնակիչները հեռանան քաղաքից, որպեսզի զանգվածային հրետակոծման ենթարկենք Սիրտում մնացած Քադաֆիի կողմնակիցների դիրքերը»,-ասել Է հրամանատարը:
Հազարավոր բնակիչներ ՆԱՏՕ-ի օդուժի ռմբակոծումներից հետո փախչում են Միսրաթայի ուղղությամբ: Նրանք հայտարարում են, որ Քադաֆիին հավատարիմ կազմավորումները բնակչությանն օգտագործում են որպես «կենդանի վահան»:
Սիրտի հավարային մատույցներում զենքը կամավոր վայր են դրել մադան ցեղի մարտիկները, որոնք անցել են Լիբիայի նոր իշխանությունների կողմը:
Ստացված հաղորդագրությունների համաձայն՝ Անցումային ազգային խորհրդի ջոկատները զգալիորեն առաջ են շարժվել արեւմտյան ուղղությամբ եւ այժմ 15 կիլոմետր են հեռու քաղաքի կենտրոնից: Ինչպես հայտարարել Է զինվորական հրամանատարության ներկայացուցիչ գնդապետ Ահմեդ Բանին, «Սիրտի ազատագրումը մոտ ժամանակի հարց Է»:
Բաժանորդագրվեք մեր ալիքին Telegram-ում