ՀՀ նախագահ Ռոբերտ Քոչարյանն ընդունել է Մարդու իրավունքների եվրոպական դատարանի նախագահ Ժան Պոլ Կոստային
2 րոպեի ընթերցում
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն այսօր ընդունել է Մարդու իրավունքների եվրոպական դատարանի նախագահ Ժան Պոլ Կոստային: Նա մեր երկրում է Մարդու իրավունքների ապահովման եւ պաշտպանության բնագավառում սահմանադրական դատարանների եւ Մարդու իրավունքների պաշտպանների համագործակցության միջազգային փորձը խորհրդաժողովին մասնակցելու նպատակով: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, ողջունելով խորհրդաժողովի անցկացումը Երեւանում` հանրապետության նախագահն ասել է, որ այն տեղի է ունենում Հայաստանի դատաիրավական բարեփոխումների տեսակետից շատ կարեւոր ժամանակահատվածում: Նրա խոսքով, նման քննարկումները մեր մասնագետներին հնարավորություն են տալիս ավելի լավ պատկերացում ունենալ, թե արդարադատությունը ժամանակի պահանջներին համապատասխան ինչ զարգացումներ է ապրում: Նշելով, որ բարեփոխումներն ի սկզբանե նպատակ են հետապնդել ձեւավորել անկողմնակալության, անկախության սկզբունքների վրա հիմնված որակապես նոր դատաիրավական համակարգ, Ռոբերտ Քոչարյանն ասել է. «Այսօր մենք աշխատում ենք ավելի խորը բարեփոխումների ուղղությամբ, որոնք թույլ կտան ապահովել դատարանների անկախության ավելի բարձր աստիճան եւ ավելի խորը հարգանք մարդու իրավունքների նկատմամբե: Մարդու իրավունքների եվրոպական դատարանի նախագահը, բարձր գնահատելով Հայաստանում տեղի ունեցող դատաիրավական բարեփոխումները հատկապես դատարանների անկախության ապահովման տեսանկյունից, դրանք համարել է բավականին հետաքրքիր ու ուշագրավ: