Կապանում եւ Քաջարանում տեղի ունեցած պատահարների առնչությամբ հարուցվել են քրեական գործեր

ԿԱՊԱՆ, 29 ԱՊՐԻԼԻ, ԱՐՄԵՆՊՐԵՍ: Ապրիլի 26-ին եւ 27-ին Քաջարանում ու Կապանում արձանագրված դժբախտ պատահարների առնչությամբ Սյունիքի քննչական բաժնում հարուցվել է երկու քրեկան գործ՝ «Քրեական օրենսգրքի» 230-րդ հոդվածի 2-րդ մասով՝ լեռնահանքային, շինարարական կամ այլ աշխատանքների կատարման ընթացքում անվտանգության կանոնները խախտելը, որն անզգուշությամբ առաջացրել է մարդու մահ կամ այլ ծանր հետեւանքներ: Երկու դեպքում էլ' թե' Զանգեզուրի պղնձամոլիբդենային կոմբինատում, թե' Կապանի ճանշին ձեռնարկության ասֆալտի գործարանում, եռակցման աշխատանքներ կատարելիս պայթել է թթվածնի բալոնը, որի հետեւանքով մահացել է 2, մարմնական տարբեր աստիճանի վնասվածքներ ստացել 3 մարդ:

Ինչպես հաղորդում է «Արմենպրես»-ի թղթակիցը Սյունիքի մարզից, կարծիքներ են շրջանառվում, որ երկու բալոններն էլ լիցքավորված են եղել նույն կետում: Սակայն գործն առայժմ նախաքննության փուլում է, եւ իրավապահները զերծ են մնում որեւէ հայտարարություններից: